२६ फागुन,काठमाडौँ । राष्ट्रिय पुनर्निर्माण प्राधिकरणले दोहोरो सुविधा लिने भूकम्पपीडितसँग अनुदान रकम फिर्ता गर्ने भएको छ ।

गैरसरकारी संस्थाबाट रकम प्राप्त गर्ने र सरकारी अनुदानप्राप्त लाभग्राहीको अलग–अलग विवरण तयार पार्न जिल्ला समन्वय समितिको सचिवालयलाई पत्राचार गरिएको प्राधिकरणका सहायक प्रवक्ता डाक्टर भीष्मकुमार भुसालले जानकारी दिए ।

दुवै सूची आएपछि सरकारतर्फको अनुदान सरकारी बाँकी सरह असुलउपर गर्ने भुसालले बताउनुभयो । गैरसरकारी संस्थाले किस्ता नदिई आवास पुनःनिर्माण गरेका वा एकीकृत बस्ती विकासअन्तर्गत अनुदान प्राप्त लाभग्राहीले पनि सरकारी अनुदान लिएको भए फिर्ता गर्नुपर्नेछ ।

त्यसैगरी जनता आवासलगायत अन्य माध्यमबाट घर बनाएका लाभग्राहीले पनि अनुदानको रकम लिन नपाउने र लिएको भए फिर्ता गर्नुपर्ने प्राधिकरणका प्रवक्ता भुसालले जानकारी दिए ।

प्रतिकृया

प्रतिकृया