३ जेठ, काठमाण्डौं । एमाले र माओवादीबीच एकता भै बनेको नेपाल कम्युनिष्ट पार्टी निर्वाचन आयोगमा दर्ता भएको छ ।

निवार्चन आयोगमा नेपाल कम्युनिष्ट पार्टीलाई अण्डरलाइन गरेर दर्ता गरिएको नेता सुवासचन्द्र नेम्वाङले जानकारी दिएका छन् । उनले दल दर्ताको प्रस्तावमा नै पार्टीको नाममा अण्डरलाइन गरिएकाले कानुनी रुपमा कुनै समस्या नआउने बताए।

पार्टी दर्ता गर्न निर्वाचन आयोगमा केपी शर्मा ओली तथा प्रचण्डसहितका नेता उपस्थित थिए ।

पार्टी दर्ता गर्न पुगेका केपी शर्मा ओलीले ओली कानुनको मर्यादा अनुसार नै आयोगमा दल दर्ता गर्न आएको बताए। उनले भने, ‘दुई पार्टीको फरक अस्तित्व खारेज गरेर नयाँ बनायौँ । यो एकता कानुनी हिसाबले दर्ता हुन जरुरी भएकैले दर्ता गर्यौँ ।’

अर्को पनि कम्युनिष्ट पार्टी छ नि भन्ने प्रसंगमा ओलीले भने, ‘नामको सन्दर्भमा हामीबाहेक अरु कोही कम्युनिस्ट पार्टी छन् भन्दा पनि हाँसो लाग्छ । यदि कसैले यो नाममा दर्ता गरेको भए त्यो चुनावपछि खारेज भैसक्यो ।’

प्रतिकृया

प्रतिकृया