काठमाडौं ।

गत मंगलबार नेपाला कम्युनिष्ट पार्टी (नेकपा)का प्रवक्ता नारायणकाजी श्रेष्ठले ट्वीटर मार्फत पार्टी एकता हुन नसकेको भन्दै असन्तुष्टि पोखे । उनले ट्वीटरमा लेखेका थिए, ‘हाम्रो पाटीं नेकपा घोषणा भएको करीब १० महिना पुग्न लाग्यो । अझै सांगठनिक एकीकरणको कार्य पुरा हुन सकेको छैन् ।लाखौं कार्यकर्ता कमिटी र जिम्मेवारी बिहीन बनेका छन् । पार्टीको राजनीतिक प्रतिवेदन पनि प्रकाशित भएको छैन् । यो दुखःद र हानिकारक स्थितिको अन्तको लागि जे गर्नुपर्छ तु गरौं ।’

यसको अर्थ पार्टी एकता घोषणा भएको १० महिना वित्दासमेत सांगठनिक एकिकरणको काम अझै पुरा हुन नसक्नुले नेकपाको नेताहरु नै नेतृत्वसँग असन्तुष्ट छन् ।

नेकपा स्थायी कमिटि सदस्य वेदुराम भुषाल एकता प्रकृयामा ढिलाई हुँदा ‘संगठनबिना पार्टी कति दिन चल्छ ?’ भन्दै प्रश्न गर्छन् । हामीसँग कुरा गर्दै उनले भने ‘कार्यदल विघटन भएपछि हामी ५ जना सदस्यहरुले एकताका लागि सुझाव सहितको प्रतिवदेन दिएको थियौँ त्यही अनुसार एकताको प्रकृया अगाडी बढाउनुपर्छ ।’ निश्चित मापदण्ड तोकेर विधि र प्रकृया अनुसार पार्टी एकताका काम थाल्न सुझाव दिएको उनले बताए ।
भागवण्डा नमिलेर एकता लम्बियो

नेकपाकै नेताहरुले भागवण्डा नमिलेर एकता प्रकृया टुंगामा पुग्न ढिलाई भइरहेको बताउँछन् । अध्यक्षले तल्लो तहका कमिटिहरुमा आफ्नो बहुमत सदस्यहरु राख्न चाहेका कारण विवाद सिर्जना हुँदा यस्तो अवस्था आएको नेकपाका एक नेताले बताए । नाम उल्लेख नगर्ने सर्तमा ती नेताले भने, ‘पूर्व माओवादी भित्र केही समस्या छैन् । पूर्व एमालेकै साथीहरुका कारण अहिलेसम्म एकता प्रकृया ढिला भएको हो ।’

पूर्व एमालेले जनताको बहुदलिय जनवाद र पूर्व माओवादीले २१ औं सताब्दिको जनवादका शैद्धान्तिक र वैचारिक विषयहरु त्याग्न तयार नहुदा पनि एकता प्रकृयामा ढिलाई भइरहेको नेकपा नै नेताहरु बताउँछन् ।

वरिष्ठ नेता झलनाथ खनाल, सचिवालय सदस्य वामदेव गौतम, नारायणकाजी श्रेष्ठ, ईश्वर पोखरेल, रामबहादुर थापा, स्थायी कमिटीका सदस्य भिम रावल, मातृका यादव, वर्षमान पुन, टोपबहादुर रायमाझी, जनार्दन शर्माका छुटाछुटै उपगुटले समेत एकता प्रक्रियामा ढिलाइ भएको नेकपा स्रोतले जनाएको छ ।

प्रतिकृया

प्रतिकृया