७ पुस,काठमाडौ । सडक विस्तारका लागि बिहीबारदेखि नारायणगढ–मुग्लिन सडकखण्ड दैनिक चारघण्टा बन्द गरिने भएको छ ।
बिहान ११ बजेदेखि दिउँसो ३ बजेसम्म यो सडकखण्डमा गाडी नचल्ने नारायणगढ–मुग्लिन सडकखण्ड आयोजनाका सूचना अधिकृत शिव खनालले जानकारी दिए।

दैनिक चार घण्टा सडक बन्द हुने भएकाले वैकल्पिक मार्ग प्रयोग गर्न उहाँले आग्रह गरे ।
यो सडकखण्ड हुँदै पूर्व जाने साना गाडी काठमाण्डूको बल्खु, दक्षिणकाली सडकखण्ड हुँदै हेटौंडा निस्कन सक्नेछन् भने यात्रुबाहक बस र ट्रक ट्याङकरले विपी राजमार्ग तथा बाइरोडको बाटो प्रयोग गर्न सक्नेछन् ।

काठमाडौं, भक्तपुर, बनेपा हुँदै बर्दिवास निस्कने विपी राजमार्ग र नागढुंगा नौबिसे हुँदै बाइरोडको बाटो प्रयोग गर्न सक्ने नारायणघाट मुग्लिन सडकखण्ड आयोजनाका सूचना अधिकृत शिव खनालले बताए । यस्तै पश्चिचम जानेरआउने गाडीले मुग्लिनबाट पोखरा–स्याङजा–वालिङ हुँदै बुटवल निस्केर गन्तव्यमा पुग्न सक्नेछन् ।

प्रतिकृया

प्रतिकृया