२१ माघ, काठमाण्डौँ । एउटा इन्डोनेसियाली जहाज धावनमार्गमा दुर्घटनाग्रस्त भएको छ। १३० यात्रु बोकेको सो जहाज अवतरण गर्ने क्रममा चिप्लिएर दुर्घटना भएको हो।

दुर्घटना हुँदा वर्षा भइरहेको थियो। जहाज रोक्न राखिएको काठको टुक्रमा ठोक्किएपछि योग्यर्ता विमानस्थलमा बोइङ ७३७—८०० ले सन्तुलन गुमाएको थियो।

दुर्घटना भएको जहाज इन्डोनेसियाको राष्ट्रिय ध्वजाबाहक गरुडाको हो। जकार्ताबाट आएको सो विमान दुर्घटनामा कोही घाइते भएका छैनन्।

विमानस्थलमा चिप्लिएर बोइङको जहाज दुर्घटनाग्रस्त भएपछि विमानस्थल बन्द गरी सो स्थानमा आउने उडानलाई सोलो सहरको विमानस्थलतर्फ डाइभर्ट गरिएको छ।

प्रतिकृया

प्रतिकृया