१ कात्तिक, काठमाडौं । निर्वाचन आयोगले प्रदेशसभा र प्रतिनिधिसभाको चुनाव नसर्ने स्पष्ट पारेको छ । बुधबार पत्रकार सम्मेलन गरी आयोगले तोकिएकै मितिमा चुनाव हुने बताएको हो ।

चुनावको तयारकिा बारेमा जानकारी दिन आयोजना गरिएको पत्रकार सम्मेलनमा बोल्दै मुख्य निर्वाचन आयुक्त अयोधिप्रसाद यादवले चुनाव उत्सापूर्वक रुपमा सम्पन्न हुने निश्चित भएको भन्दै चुनावको मिति सर्नेमा शंका नगर्न आग्रह गरे ।

पत्रकार सम्मेलनमा मुख्य निर्वाचन आयुक्त यादवलेे यसअघि व्यवस्थापन गरिएका मतपेटिकाबाट नै निर्वाचन गराउने तयारी गरेको बताए ।

साथै आयोगले निर्वाचन सामग्रीको व्यवस्थापन प्रक्रियालाई अगाडि बढाइसकेको बताए ।

समानुपातिक निर्वाचन प्रणालीतर्फ प्रतिनिधिसभा तथा प्रदेशसभा सदस्य निर्वाचनका लागि आवश्यक पर्ने सात प्रकारका मतपत्रको छपाइ सुरु भइसकेको भन्दै मुख्य निर्वाचन आयुक्त यादवले कात्तिक ७ गतेसम्म सबै मतपत्र छापिसकिने बताए ।

समानुपातिकतर्फ एक करोड ८० लाख मतपत्र छपाई गर्नुपर्नेमा हालसम्म ९० लाखभन्दा बढी मतपत्र छपाई भइसकेको आयोगले जानकारी दिएको छ ।

यसैबीच आयोगको निर्णय अनुसार एउटै पानाको माथिल्लो भागमा प्रतिनिधिसभा सदस्य निर्वाचनका लागि र त्यसको तल्लो भागमा प्रदेशसभा सदस्य निर्वाचनका लागि मतपत्र हुने छ ।

समानुपातिकतर्फको मतपत्र सेतो कागजमा हल्का रातो मसीले छापिने छ भने पहिलो हुने निर्वाचित हुने प्रणालीतर्फको मतपत्र सेतो कागजमा हल्का हरियो रङ्गको मसीले छापिने गरी मतपत्रको व्यवस्था गरिएको आयोगले जनाएको छ ।

प्रतिकृया

प्रतिकृया