|  

कोरोना संक्रमणबाट चितवनमा वडा सदस्यको मृत्यु

१ कार्तिक,चितवन - चितवनको खैरहनी नगरपालिका-१२ का वडा सदस्य ४९ वर्षीय बद्री वहादुर पाण्डेको कोरोना संक्रमणका कारण मृत्यु भएको छ । 

गएराति भरतपुर अस्पतालमा उपचारका क्रममा पाण्डेको  मृत्यु भएको हो । अस्पतालका सूचना अधिकारी लिलाधर पौडेलका अनुसार उनमा असोज २८ गते संक्रमण पुष्टि भएको थियो । आईसोलेसनमा रहेएकोमा उनलाई असोज ३० गते अस्पताल भर्ना गरिएको थियो ।

खोकी र श्वासप्रश्वासमा समस्या रहेको उनको क्यान्सरको तेस्रो केमो चलिरहेको अवस्थामा मृत्यु भएको हो । अस्पतालको कोभिड सघन उपचार कक्षमा भेन्टिलेटरमा राखी उनको उपचार भईरहेको थियो । उनि नेपाली कांग्रेसबाट गएको स्थानीय तहको निर्वाचनमा विजयी भएका थिए ।

नेपाली कांग्रेस चितवनका जिल्ला सभापति जीतनारायण श्रेष्ठले पाण्डेको निधनमा गहिरो दुःख प्रकट गरेका छन् । यस अघि जिल्लाकै भरतपुर महानगरपालिका– २० का निर्वाचित वडा अध्यक्षको कोरोना संक्रमणका कारण मृत्यु भएको थियो ।

उनि क्यान्सर रोगबाटसमेत पीडित थिए ।