४ कार्तिक,काठमाडौं - सरकारले विभिन्न स्थानीय तहहरुमा ५, १० र १५ शैयाका अस्पताल स्तरोन्नति हुने स्वास्थ्य संस्था र स्थानीय तहहरुको नामावली सार्वजनिक गरेको छ ।
स्वास्थ्य तथा जनसंख्या मन्त्रालयले आज विभिन्न स्थानीय तहहरुमा ५, १० र १५ शैयाका अस्पताल स्तरोन्नति हुने स्वास्थ्य संस्था र स्थानीय तहहरुको नामावली सार्वजनिक गरेको हो । मन्त्रालयले २६४ वटा संस्था र स्थानीय तहको नामावली सार्वजनिक गरेको हो । भवन निर्माणका लागि अर्थ मन्त्रालयले रकम निकासा गरेपछि मन्त्रालयले सो नामावली सार्वजनिक गरेको हो ।
मन्त्रालयका अनुसार ५ शैयाका अस्पतालका लागि ७० लाख, १० शैयाका लागि ८५ लाख र १५ शैयाका लागि १ करोड रकम विनियोजन गरेको छ ।