४ कार्तिक,काठमाडौं - निजगढ-काठमाडौं द्रुतमार्गसँग हेटौंडा-काठमाडौं मदन भण्डारी मार्गलाई जोड्नका लागि अध्ययन सुरु भएको छ ।
बागमती प्रदेश सरकारले काठमाडौं–निजगढ द्रुतमार्गसँग मदन भण्डारी मार्गलाई जोड्न प्रस्ताव गरेपछि संघीय सरकारले त्यसको अध्ययन थालेको हो । प्रदेश सरकारले सुरुङसहित विस्तार गरिरहेको मार्गलाई द्रुतमार्गसँग जोड्नका लागि सरकारले सम्भावित बिन्दुको खोजी सुरु गरेको हो ।
काठमाडौं-निजगढ द्रतमार्गसँग मकवानपुरको भीमफेदी गाउँपालिका-८ र इन्द्रसरोवार गाउँपालिका-३ को कोगटे दोभानमा जोड्न सके हेटौंडा-काठमाडौंको सडक दूरी ५४ किलोमिटरमा छोटिने भन्दै प्रदेश सरकारले प्रस्ताव गरेको थियो । प्रदेशको प्रस्तावपछि नेपाल सरकारले कार्यदल बनाएर अध्ययन थालेको छ ।
सरकारका तर्फबाट एक दिनअघि मात्रै राष्ट्रिय योजना आयोगका उपाध्यक्ष डा.पुष्पराज कँडेल र प्रधानमन्त्रीका विकासविज्ञ ई.गजेन्द्र थपलियाले दुई मार्गलाई जोड्न सकिने सम्भावित विन्दुको अवलोकन समेत गरेका छन् । अवलोकनपछि उपाध्यक्ष डा. कँडेलले द्रुतमार्गको प्रारम्भमा यसमार्गसँग जोडिने अन्य कुनै मार्गको परिकल्पना नगरिएकाले नयाँ परिस्थिति सिर्जना भएको बताए ।
उनले द्रुतमार्ग अनुगमन समितिले प्रदेश सरकारसँग समन्वय गर्ने निर्णय गरेको समेत बताए । समितिले प्रदेशसँग समन्वय गर्नुपर्ने भनेकाले नै आफूहरु अवलोकन र अध्ययनका लागि गएको उनको भनाइ थियो । पहिलो चरणमा व्यवहारिक र सामान्य अवलोकन गरिएको उल्लेख गर्दै उपाध्यक्ष डा. कँडेलले अब प्राविधिक अध्ययन गरेर मात्रै द्रुतमार्गसँग मदन भण्डारी मार्गलाई कहाँ र कसरी जोड्न सकिन्छ भन्ने टुंगो लाग्ने बताए । दुई द्रुतमार्गलाई जोड्नु उपयुक्त हुने र त्यसका लागि प्राविधिकहरुको अध्ययनले अन्तिम निष्कर्ष निकाल्ने उनले उल्लेख गरे ।
प्रधानमन्त्री केपी शर्मा ओलीका विकासविज्ञ ई.गजेन्द्र थपलियाले प्रदेश सरकारले थालेको यस काममा नेपाल सरकारले यसमा सहयोग र सहकार्य गर्ने बताए । “प्रदेशले हेटौंडा–काठमाडौंको दूरी ५४ किलोमिटरमा छोट्याउने जुन लक्ष्य लिएको छ, त्यो सरहानीय छ, नेपाल सरकारले यसलाई सहयोग गर्छ”, विज्ञ थपलियाले भने ।
मदन भण्डारी मार्गमा सुरुङ निर्माणसहित स्तरीकरण गर्ने र द्रुतमार्गसँग जोड्ने प्रदेश सरकारको योजना रहर नभएर आवश्यकता रहेको मुख्यमन्त्री डोरमणि पौडेल बताउँछन् । ५४ किलोमिटर बाटो स्तरीकरण गरी सबै प्रकारका सवारी साधनको आवागमन गराउन सकिने र दीर्घकालीनरूपमा राज्यलाई लाभ हुने उनी बताउँछन् । प्रदेशका भौतिक पूर्वाधार विकासमन्त्री रामेश्वर फुँयाल सुरुङबाहेक मदन भण्डारी मार्गको स्तरीकरणको सम्पूर्ण काम धमाधम भइरहेको बताउँछन् ।
सडक फराकिलो बनाउने, पर्खाल लगाउने, सम्याउने काम भइरहेको र चाँडै कालोपत्रक गर्ने काम सुरु हुने उनको भनाइ छ । उनले प्रदेश सरकारले गौरवको योजनाको रूपमा सुरुङसहित स्तरीकरणको काम गर्न लागेको र भैँसे–भीमफेदी सडक विस्तारको योजनासमेत कार्यान्वयन चरणमा रहेको उल्लेख गरे ।
Indian Rupee
U.S. Dollar
European Euro
UK Pound Sterling
Swiss Franc
Australian Dollar
Canadian Dollar
Singapore Dollar
Japanese Yen
Chinese Yuan
Saudi Arabian Riyal
Qatari Riyal
Thai Baht
UAE Dirham
Malaysian Ringgit
South Korean Won
Swedish Kroner
Danish Kroner
Hong Kong Dollar
Kuwaity Dinar
Bahrain Dinar