|  

कतारका लागि नेपाली राजदूत भारद्वाज र भारतका समकक्षी मित्तलबीच भेटवार्ता

१९ कार्तिक, दोहा । कतारका लागि नेपाली राजदूत नारदनाथ भारद्वाज र भारतीय समकक्षी डा. दीपक मित्तलबीच शिष्टाचार भेटवार्ता भएको छ । दोहास्थित नेपाली दूतावासको कार्यकक्षमा भएको भेटमा राजदूतद्वयले द्विपक्षीय सम्बन्धका बारे छलफल गरेको दूतावासले जनाएको छ ।

भेटकै अवसरमा उनीहरुबीच आप्रवासी कामदारहरूको समस्या तथा समाधान लगायत आपसी चासोका विषयमा पनि कुराकानी भएको दूतावासले जनाएको छ ।

नेपाली भूमि कालापानी, लिम्पियाधुरा र लिपुलेकको सीमा विवादले दुई देशबीच राजनीतिक तथा कुटनीतिक सम्बन्धमा चिसोपना बढेको भनिएका बेला उनीरुरुबीच भएको भेटलाई अर्थपूर्ण रुपमा हेरिएको छ ।