१३ मंसिर,बुटवल - प्रतिनिधिसभा सदंसदको सार्वजनिक लेखा समितिका सभापति भरतकुमार साहले सरकार नै एकपक्षीय बन्दा भ्रष्टाचारमा मुछिएकाहरु कारबाहीमा नपरेको बताएका छन् ।
रिपोर्टर्स क्लव लुम्बिनी प्रदेशले बुटवलमा आयोजना गरेको साक्षात्कार कार्यक्रममा बोल्दै साहले सरकार नै एकपक्षीय बन्दा भ्रष्टाचारमा मुछिएकाहरु कारबाहीमा नपरेको बताएका हुन् । उनले प्रधानमन्त्री केपी ओलीले नै घुस प्रकरणमा मुछिएका गोकुल बाँस्कोटालाई अख्तियारबाट सफाइ दिलाएर मन्त्री बनाउन दबाब दिएको समेत दावी गरे ।
सभापती साहले भने ‘प्रधानमन्त्री केपी ओली नै भ्रष्टाचारीको संरक्षणमा लागेका छन्, गोकुल बाँस्कोटाको कारबाही रोकेर अख्तियारबाट सफाइ दिलाएर मन्त्री बनाउन ओलीले नै दबाब दिएका छन् । सरकारले अरुलाई काम गर्न दिँदैन, सरकारसँग पैसा,शक्ति,पुलिस आर्मी,प्रशासन छ, नियुक्ति पनि त्यहीँबाट हुने भएकाले दबाब दिएपछि कसरी कारबाही हुन्छ रु’
त्यस्तै साहले सरकारले संसारभरको लोकतन्त्रको मूल्य र मान्यता बिर्सिएको समेत आरोप लगाए । सरकारको ध्यान भ्रष्टाचार गर्ने बाहेक अरु नदेखिएको भन्दै सभापति साहले अहिलेको नेकपाको आन्तरिक किचलो पनि भ्रष्टाचारकै सवाल भएको आरोप लगाए । साहले नेकपाभित्रको आन्तरिक द्वन्द्व र सरकारको भ्रष्टचारका कारण देश बर्बादीको दिशामा गएको समेत धारणा राखेका थिए । नेकपाका लफडा राष्ट्रिय मुद्दामा नभएको उनको दावी थियो ।
कांग्रेसका केन्द्रीय सदस्यसमेत रहेका साहले नेकपाले ५ वर्ष जनताको म्यान्डेड पाएको हुँदा नेपाली कांग्रेसले सत्ता साझेदारी नचाहेको समेत स्पष्ट पारे ।
Indian Rupee
U.S. Dollar
European Euro
UK Pound Sterling
Swiss Franc
Australian Dollar
Canadian Dollar
Singapore Dollar
Japanese Yen
Chinese Yuan
Saudi Arabian Riyal
Qatari Riyal
Thai Baht
UAE Dirham
Malaysian Ringgit
South Korean Won
Swedish Kroner
Danish Kroner
Hong Kong Dollar
Kuwaity Dinar
Bahrain Dinar