०१ जेठ, काठमाडाैं । प्रदर्शनरत फिल्म ‘ऊनको स्वीटर’ लाई दर्शकले रुचाएका छन्।

पाँचौं दिनमा पनि हलमा दर्शकको उपस्थिति सन्तोषजनक रहेको वितरकले जानकारी दिएको छ। देशभर ३ सय ५० सो सहित फिल्म चलिरहेको छ तर वितरकले फिल्मको व्यापारबारे खुलाएको छैन। फिल्ममा समावेश ‘चाइनेजो जिन्दगानीमा’ बोलको गीत पनि दर्शकले अत्याधिक रुचाएका छन्। गीत चर्चित बनेको छ। अन्य गीत ‘फूल’, ‘मखमली’ र ‘काफ्ले’ निकै चर्चा पायाे।

यतिबेला फिल्मका टिम काठमाडौँ उपत्यकाका हलहरूमा दर्शकमाझ साक्षात्कार गरिरहेका छन्। दोस्रो सातादेखि देशव्यापी भ्रमण सुरु गर्ने भन्दै निर्देशक नवीच चौहानले  दमौलीबाट सुरु हुने भ्रमण पोखरा, चितवन, बुटवल, दाङ, नेपालगञ्ज, धनगढी, दमक, धरान, विराटनगर र इटहरीसम्म पुग्ने जानकारी दिए।नवीन चौहानको लेखन तथा निर्देशनमा बनेको ‘ऊनको स्वीटर’मा विपिन कार्की, मिरुना मगर, परीक्षा लिम्बु, एलेक्स पारस, विल्सन विक्रम राई, सुरज तमु, भावना खपाङ्गी मगर र सुनिल पोखरेलको अभिनय छ।