२६ असार, काठमाडौं । फिफा विश्वकप २०२६ को क्वार्टरफाइनलमा आज युरोपका दुई टोली स्पेन र बेल्जियमबीच खेल हुँदैछ ।

अमेरिकाको क्यालिफोर्नियामा रहेको सोफी स्टेडियममा नेपाली समयअनुसार राति पौने १ बजे खेल सुरु हुनेछ ।अहिलेसम्म अपराजित रहेको स्पेन आजको खेलमा आफ्नो उत्कृष्ट लय कायम राख्ने लक्ष्यमा छ । बेल्जियम स्पेनलाई हराउँदै सेमिफाइनल पुग्ने योजनामा छ ।

स्पेन यस विश्वकपमा हालसम्म अपराजित रहँदै एक गोल पनि नखाएको टोली हो । बेल्जियम पनि उत्कृष्ट लयमा छ । अमेरिकालाई अन्तिम १६ को खेलमा ४–१ ले पराजित गर्दै क्वार्टरफाइनल पुगेको बेल्जियमले लगातार १८ खेलमा हार बेहोरेको छैन ।

आजको खेलको विजेताले सेमिफाइनलमा फ्रान्ससँग प्रतिस्पर्धा गर्नेछ । त्यसैले दुवै टोलीका लागि आजको खेल विश्वकप उपाधि यात्राका लागि महत्वपूर्ण छ ।