३२ असार, काठमाडाैं । परराष्ट्रमन्त्री शिशिर खनालसँग भारतको विदेश मन्त्रालयका अतिरिक्त सचिव मुनु महावरले बिहीबार भेटवार्ता गरेका छन्।

परराष्ट्र मन्त्रालयमा भएको भेटमा नेपाल-भारतबीचको द्विपक्षीय सम्बन्ध, आपसी हित र दीर्घकालीन सहकार्यलाई थप मजबुत बनाउने विषयमा छलफल भएको हो। महावरले परराष्ट्रसचिव अमृतबहादुर राईसँग पनि भेट गरी दुई देशबीच जारी सहयोगको अवस्था र प्राथमिकताका क्षेत्रमा आगामी सहकार्यबारे छलफल गर्नुभएको मन्त्रालयले जनाएको छ। भेटका क्रममा नेपाल–भारतबीचको मित्रता र बहुआयामिक साझेदारीलाई निरन्तरता दिँदै उच्चस्तरीय संवाद तथा संस्थागत सहकार्य थप प्रभावकारी बनाउने प्रतिबद्धता व्यक्त गरिएको छ।