१३ श्रावण, काठमाडौं । कपिलवस्तुको महाराजगञ्ज नगरपालिका–३ गैडवा चोकमा ट्रकको ठक्करबाट तीन जनाको मृत्यु भएको छ ।

प्रहरीका अनुसार ना ५ ख २३६४ नम्बरको ट्रकले सडक किनारमा साइकल मर्मत गरिरहेका दुई जना र एक बालकलाई ठक्कर दिएको हो ।

दुर्घटनामा ७० वर्षीय घोल्लर कुर्मी, ४५ वर्षीय विजयकुमार गुप्ता र १२ वर्षीय आनन्द कश्यपको मृत्यु भएको प्रहरीले जनाएको छ।

मृतक तीनै जनाको शव जिल्ला अस्पताल तौलिहवामा राखिएको छ भने ट्रक चालकलाई प्रहरीले नियन्त्रणमा लिएको छ।