१६ श्रावण, काठमाडौं । सुनसरीको देवानगञ्ज गाउँपालिका–३ कप्तानगञ्ज घटनामा मृत्यु भएका ओमप्रकाश मेहता र जयप्रकाश मेहताको दाहसंस्कार गरिएको छ ।

शुक्रबार कोशी अस्पताल, विराटनगरमा दुवैको शव परीक्षण सम्पन्न भएपछि शुक्रबार राति कप्तानगञ्जमा अन्त्यष्टि गरिएको हो।

बिहीबार राति गृहमन्त्री सुदन गुरुङको उपस्थितिमा मृतकका परिवार र सरकारबीच ७ बुँदे सहमति भएपछि दाहसंस्कारको प्रक्रिया अघि बढाइएको थियो।