२२ श्रावण, काठमाडाैं ।  राष्ट्रिय स्वतन्त्र पार्टी (रास्वपा)का सांसद मनिष झाले सरकारको नियतमा शङ्का नभए पनि काम गर्ने‘ ‘ढङ्ग’ नपुगेको बताएका छन् ।

प्रतिनिधिसभाको शुक्रबारको बैठकमा विशेष समयमा बोल्दै सांसद झाले राज्य प्रणालीमा सुधार ल्याउन सरकारले आफ्नो कार्यशैली बदल्नुपर्ने बताए ।

‘अहिलेको सरकारमा इन्टिग्रिटी (निष्ठा)र इन्टेन्सन (नियत)मा शङ्का छैन, तर कता कता ढङ्ग नपुगेको हो कि जस्तो लाग्छ,’ झाले भने, ‘यदि तपाईंलाई के थाहा छैन भन्ने नै थाहा छैन भने तपाईंलाई साँच्चै केही पनि थाहा छैन।’