२१ भदौ, काठमाडौं । पृथ्वी राजमार्गको कृष्णभिर खण्ड अवरुद्ध भएपछि नेपाल आयल निगमले त्रिभुवन राजपथ हुँदै काठमाडौंमा पेट्रोलियम पदार्थ र एलपी ग्यास आपूर्ति गरिरहेको छ।

निगमका अनुसार भदौ १८ गते करिब २४ हजार ५०० र भदौ १९ गते ३४ हजार १३४ ग्यास सिलिन्डर उपत्यका भित्र्याइएको छ ।

काठमाडौँ उपत्यका तथा आसपासका क्षेत्रमा त्रिभुवन राजपथ (बाइरोड)मार्फत पेट्रोलियम पदार्थ र एलपी ग्यासको आपूर्ति गरिएको छ ।

भदौ १४ गते त्रिशुली नदीको कटानका कारण पृथ्वी राजमार्ग भत्किँदा इन्धन बोकेका ट्यांकर तथा ग्यास बुलेटहरू रोकिएका थिए ।

त्यसपछि निगमले वैकल्पिक मार्ग प्रयोग गरी तराईका उद्योगहरूमा भरिएका ग्यास सिलिन्डर काठमाडौँ भिर्त्याउन थालेको हो ।