|  

सरकारको अपिल : बेड भरिए, सबैजना संवेदनशील बनौं 

१७, वैशाख काठमाडौं । कोरोना संक्रमण तिब्ररुपमा फैलिएपछि सरकारले अब अस्पतालमा बेड उपलब्ध गराउन नसक्ने अवस्था आएको बताएको छ । शुक्रबार स्वास्थ्य तथा जनसंख्या मन्त्रालयले अपिल जारी गर्दै सबैलाई संवेदनशील बन्न आग्रह गरेको हो । 

ुस्वास्थ्य प्रणालीले थेग्नै नसक्ने गरी संक्रमण बढेकाले अस्पतालमा बेड उपलब्ध गराउन नसकिने भइसकेको छ,अपिलमा भनिएको छ,त्यसैले सबै दाजुभाइ दिदीबहिनीहरुमा संवेदनशील बन्न अनुरोध छ। मन्त्रालयले विदेश जाने र आउने काम बन्द गर्न पनि आग्रह गरेको छ। साथै संक्रमणको दर तीव्र रुपमा फैलिएकाले बाह्य तथा आन्तरिक पर्यटकलाई कतै नजान अनुरोध गरेको छ।

मन्त्रालयले २२ जिल्ला कोरोनाबाट अति प्रभावित रहेको उल्लेख गरेको छ। मोरङ, सुनसरी, झापा, पर्सा, बारा, धनुषा, काठमाडौं, भक्तपुर, ललितपुर, चितवन, कैलाली, मकवानपुर, काभ्रेपलाञ्चोक, कास्की ,दाङ बाँके, रुपन्देही ,पाल्पा , बर्दिया ,कपिलवस्तु, सुर्खेत, कैलाली र कन्चनपुर बढी प्रभावित जिल्ला भएको मन्त्रलायले जनाएको छ। ​