२५ असोज, काठमाडौं । इरान समर्थित हुथी समूहले साउदी अरबको राजधानी रियादस्थित किङ खालिद अन्तर्राष्ट्रिय विमानस्थलमा गरेको आक्रमणमा कम्तीमा १२ जनाको मृत्यु भएको छ भने ३०९ जना घाइते भएका छन्।

साउदी अधिकारीहरूका अनुसार शनिबार भएको आक्रमण एक दशकभन्दा बढी समययताकै सबैभन्दा घातक हो।

मृतकमा चार साउदी नागरिक, दुई बंगलादेशी तथा अमेरिका, जोर्डन, प्यालेस्टाइन, सिरिया, सुडान र इजिप्टका एक–एक जना रहेका छन् । घाइतेमध्ये केहीको अवस्था गम्भीर छ।

यसअघि पनि यही साता विमानस्थलमा भएका दुई हुथी आक्रमणमा चार जनाको मृत्यु भएको थियो भने धावनमार्गमा रहेको साउदी वाणिज्यिक विमानमा क्षति पुगेको थियो।