२६ असोज, काठमाडौं । अमेरिकी राष्ट्रपति डोनाल्ड ट्रम्पको राजनीतिक सन्देश प्रचार गर्न सरकारी कोषबाट सञ्चालित टेलिभिजन विज्ञापन प्रसारण रोक्न अदालतले आदेश दिएको छ ।

न्युयोर्कस्थित संघीय अदालतले आइतबार राति प्रसारण हुन बाँकी रहेका सबै विज्ञापन तत्काल रोक्न ट्रम्प प्रशासनलाई निर्देशन दिएको हो ।

प्रशासनले विज्ञापन अभियान चाँडै समाप्त हुन लागेको बताए पनि अदालतले बाँकी विज्ञापन रद्द गर्नुपर्ने स्पष्ट पारेको छ ।

सरकारी रकम प्रयोग गरी ट्रम्पको राजनीतिक सन्देश प्रचार गर्न लाखौँ डलर खर्च गरिएको विज्ञापन अभियानविरुद्ध गैरदलीय निगरानी संस्था ‘कमन कज’ सहितको गठबन्धनले मुद्दा दायर गरेको थियो ।

न्युयोर्कस्थित अमेरिकी जिल्ला अदालतकी न्यायाधीश जेनिफर एल। रोचोनले याचिकाकर्ताहरूको मागअनुसार अस्थायी निषेधाज्ञा जारी गर्दै प्रसारण हुन बाँकी सबै टेलिभिजन विज्ञापन रोक्न आदेश दिएकी हुन् ।

सरकारी कोषको प्रयोगबाट राजनीतिक सन्देश प्रचार गरिएको विषयलाई लिएर परेको उक्त मुद्दाले सार्वजनिक रकमको प्रयोगसम्बन्धी बहसलाई पुनः चर्चामा ल्याएको छ ।