३१ असोज, काठमाडौं । नेपाली कांग्रेसका नवनिर्वाचित सभापति गगन थापाले आज दसैँको फूलपातीका दिन शपथग्रहण गर्ने भएका छन् । उनले शपथग्रहणलगत्तै पदबहाली गर्ने कार्यक्रम रहेको छ।

नेपाली कांग्रेसका अनुसार पार्टी केन्द्रीय कार्यालयमा आज दिउँसो २ बजे शपथग्रहण तथा पदबहाली समारोह आयोजना गरिएको छ।

कांग्रेसको १५औँ महाधिवेशनको मतगणना सम्पन्न भई सभापतिमा निर्वाचित भएपछि थापाको शपथग्रहण कार्यक्रम तय गरिएको हो । समारोहमा सहभागी हुन उपत्यकामा रहेका पार्टीका नेता, कार्यकर्ता तथा सञ्चारकर्मीलाई निमन्त्रणा गरिएको छ । 

कांग्रेसबाट निर्वाचित २३१ सदस्यीय केन्द्रीय समितिका पदाधिकारी तथा सदस्यहरूको शपथग्रहण भने दसैँपछि गरिने पार्टीले जनाएको छ।