१ कात्तिक, काठमाडौं । नेपाली कांग्रेसले देश शोकमा रहेकाले यस वर्ष कोजाग्रत पूर्णिमामा आयोजना गर्दै आएको चियापान कार्यक्रम नगर्ने भएको छ । पार्टीले विज्ञप्ति जारी गर्दै यस वर्षको कार्यक्रम स्थगित गरिएको जनाएको हो।

कांग्रेसका अनुसार भोटेकोसीमा आएको बाढीका कारण १ हजार ४०० भन्दा बढीको मृत्यु र ५ हजारभन्दा बढी बेपत्ता भएको अवस्था छ । बुढीगण्डकीमा आएको बाढीले पनि थप जनधनको क्षति पुर्‍याएको छ।

सभापति गगन थापाले शोकको यस घडीमा चाडपर्व भड्किलो रूपमा नभई शान्त र संयमित ढंगले परिवारमा सीमित रहेर मनाउन आग्रह गरेका छन्।

कांग्रेसले २०३४ सालदेखि निश्चित कारणवश केही वर्षबाहेक कोजाग्रत पूर्णिमामा चियापान कार्यक्रम आयोजना गर्दै आएको थियो। उक्त परम्परा यस वर्ष भने देशको दुःखद परिस्थितिका कारण निरन्तरता नदिने निर्णय गरिएको हो।