२६ कात्तिक, काठमाडौं । नक्कली भुटानी शरणार्थी प्रकरणमा कैद सजाय भोगिरहेका पूर्वउपप्रधानमन्त्री टोपबहादुर रायमाझी बिहीबार बिहान डिल्लीबजार कारागारबाट रिहा भएका छन् ।

६५ वर्ष उमेर पूरा भएपछि ज्येष्ठ नागरिकका रूपमा पाउने कैद छुट सुविधाअनुसार उनी रिहा भएका हुन् । काठमाडौं जिल्ला अदालतले उनको निवेदनका आधारमा संशोधित कैदीपुर्जी पठाउँदै कैदमुक्त गर्न कारागारलाई पत्राचार गरेको थियो । कारागारका जेलर बाबुराम अर्यालका अनुसार रायमाझीलाई रिहा गर्ने पत्र तिहारअघि नै प्राप्त भएको थियो । नक्कली भुटानी शरणार्थी प्रकरणमा दोषी ठहर भएका रायमाझी २०८० वैशाख २० गते पक्राउ परेका थिए । काठमाडौं जिल्ला अदालतले उनलाई २०८३ असार ३० गते चार वर्ष कैद सजाय सुनाएको थियो ।

ज्येष्ठ नागरिकलाई कैद सजायमा २५ प्रतिशत छुट दिने कानुनी व्यवस्थाअनुसार सुविधा पाएपछि उनी रिहा भएका हुन् ।