४ जेठ, काठमाडौँ । नेकपा एमालेको आन्तरिक विवाद समाधान गर्न गठिन कार्यदलको पहिलो बैठक सम्पन्न भएको छ। प्रधानमन्त्री तथा मन्त्रिपरिषद्को कार्यालय सिंहदरबारमा बसेको बैठकले कार्यदलको कार्यक्षेत्र, कार्यविधि र आचार संहिता तुरुन्त तय गरेर लागू गर्ने निर्णय गरेको छ।

बैठकपछि माधव पक्षीय कार्यदल संयोजक भीम रावलले पार्टीभित्र देखिएको समस्या समाधानका लागि सबैलाई आग्रह गरिएको जानकारी दिए। बैठकले पार्टीभित्र अविश्वास, अन्तरविरोध लगायतका गतिविधिबाट अलग हुन नेतृत्व र कार्यकर्तालाई आह्वान पनि गरेको छ। 

आजको कार्यदलको बैठकमा सदस्यहरु विष्णु पौडेल र शंकर पोखरेल अनुपस्थित थिए।

उनीहरु दुवै जना कार्यव्यवस्तताका कारणले अनुपस्थित भएको नेता रावलले जानकारी दिए। रावलले कार्यदलको बैठक भोली पनि बस्ने जानकारी दिए। सञ्चारकर्मीहरुले बागमती प्रदेश राष्ट्रिय सभा सदस्य उप निर्वाचनका विषयमा के हुन्छ भनेर प्रश्न सोधे पनि उनले कुनै जवाफ भने दिएनन्।