|  

मानसिक तनावबाट मुक्त हुँदै रिया,आधुनिक महाभारतमा 'द्रौपती' 

२७ जेष्ठ काठमाडौं । बलिउड अभिनेत्री तथा दिवंगत अभिनेता सुशान्त सिंह राजपूतकी प्रेमिका रिया चक्रवर्ती डेढ वर्ष यताको मानसिक तनावबाट विस्तारै मुक्त हुँदैछिन् । हालैमात्र उनले ‘टाइम्स मस्ट डिजायरेबल वुमेन २०२०’ को उपाधि पाइन् ।

यी अभिनेत्रीमाझ अहिले एउटा महत्वपूर्ण प्रोजेक्ट पौराणिक कथा ‘महाभारत’लाई आधुनिक रुपान्तरण गर्दै निर्माण हुन लागेको फिल्म ‘महाभारत’मा निर्माताले उनलाई द्रौपदीको चरित्रका लागि प्रस्ताव गरेका छन् ।

रियाले पनि यो चरित्रका लागि निकै चासो देखाएकी छन् । निर्माताहरु अहिले अभिनेत्रीसँग कुराकानी चरणमा छन् ।यो महाभारत र द्रौपदीको भूमिकालाई लिएर बनाइएको ठूलो परियोजना हो । अहिलेको आधुनिक परिवेशमा यो महाभारत बन्नेछ । द्रौपदी भूमिकाका लागि रिया चक्रवर्तीसँग कुराकानी भइरहेको छ’, फिल्म निकट स्रोतले भनेको छ ।

रियाले यो फिल्मका लागि ग्रीन सिग्नल दिइन् भने बलिउडमा कमव्याक गर्न उनलाई सहज हुने फिल्म पण्डितहरुको बुझाई छ ।रिया फिल्म ‘चेहरे’मा देखिँदैछिन् । फिल्ममा अमिताभ बच्चन र इमरान हाशमीको अभिनय छ ।