|  

चाँदीका गरगहनासहित पक्राउ

६ साउन, काठमाडौं । प्रहरीले वीरगञ्जबाट ५ केजी ३ सय ३४ ग्राम चाँदीका गरगहना सहित एक व्यक्तिलाई पक्राउ गरेको छ ।

वीरगंज महानगरपालिका-१६ स्थित शंकराचार्य गेटबाट ५ केजी ३ सय ३४ ग्राम चाँदीका गरगहनासहित चितवन खैरेनी नगरपालिका-२ श्रीया ज्वेलर्सका सञ्चालक सप्तरी राजविराज उपमहानगरपालिका-२ मेघराका ४३ वर्षीय अंगत साहलाई बुधबार बिहान प्रहरीले पक्राउ गरेको हो ।

भारतबाट अवैध रूपमा चाँदीका गरगहनाहरु ल्याउँदै गरेको भन्ने सूचनाको आधारमा प्रहरी चौकी ईनर्वाबाट खटिएको प्रहरीले साहलाई पक्राउ गरेको हो ।  

उनलाई उक्त चाँदीसहित आवश्यक कारवाहीको लागि राजश्व अनुसन्धान कार्यालय पथलैया बारामा बुझाउने कार्य भइरहेको जिल्ला प्रहरी कार्यालय पर्साले जनाएको छ ।