|  

एमालेको केन्द्रीय कमिटी बैठक आज पनि जारी

७ साउन, काठमाडौँ । नेकपा एमालेको केन्द्रीय कमिटी बैठक आज पनि बस्दैछ । 

ललितपुरको च्यासलमा रहेको तुलसीलाल स्मृति प्रतिष्ठान भवनमा सोमबार सुरु एमालेको १०औं केन्द्रीय कमिटी बैठक आज चौथो दिन पनि जारी रहने भएको हो। 

आजको बैठकमा आफ्ना अध्यक्ष केपी शर्मा ओली नेतृत्वको सरकारले गरेका उपलब्धि, सर्वोच्च अदालतले असार २८ गते गरेको फैसला, पार्टीको आगामी कार्ययोजना, पार्टी सुदृढीकरण र शुद्धीकरण अभियानलगायत एजेन्डा छन्। 

हिजोको तेस्रो दिनको बैठकमा पार्टी अध्यक्ष केपी शर्मा ओलीले असन्तुष्ट पक्षलाई एकतामा आउन आग्रह गर्नुभएको छ । उहाँले १० बुँदे सहमतिलाई कार्यान्वयन गर्दै आन्तरिक एकताका लागि अन्तिम समयसम्म प्रयास आफू तत्पर रहेको बताउनुभयो ।

पार्टी नीतिविपरीत नेपाली काँग्रेसका सभापति देउवालाई प्रधानमन्त्रीमा विश्वासको मत दिने नेता माधवकुमार नेपालसहित २२ सांसद्लाई स्पष्टीकरण सोधेको एमालेले त्यसबारे जवाफ आएपछि निर्णय गर्ने एमालेका प्रवक्ता प्रदीपकुमार ज्ञवालीले जानकारी दिनुभयो ।