|  

ललितपुरको पुल्चोकमा  मःम पसल सञ्चालक मृत फेला 

१८ श्रावण, काठमाडौं । ललितपुरको पुल्चोकमा एक पुरूष मृत फेला परेका छन्।

बुधबार बिहान पुल्चोकस्थित एक घरमा डेरा गरी बसेका पुरूष मृत फेला परेको जिल्ला प्रहरी परिसर ललितपुरले जनाएको छ ।प्रहरीले उनको पहिचान खुलिनसकेको बताएको छ।पुल्चोक क्षेत्रमा उनी कुमार भनेर चिनिन्थे।

उनी आफ्नै कोठामा झुन्डिएको अवस्थामा फेला परेका हुन्। उनको पुल्चोकमा मःम पसल छ। बिहान पसल खोल्न नआएपछि छिमेकीहरू उनलाई घरमा बोलाउन गएका थिए।तर उनले ढोका खोलेनन्।ढोका नखोलेपछि स्थानीय आफैंले भर्‍याङ राखेर उनको कोठामा हेरेका थिए।

हेर्दा उनी झुन्डिएको अवस्थामा फेला परेका हुन्। उनी मृत फेला परेको भन्ने खबर पाएपछि प्रहरीलाई खबर गरिएको थियो। अहिले प्रहरीको टोली घटनास्थलमा छ। मुचुल्का उठाएर शवको पोष्टमर्टमको लागि पाटन अस्पताल लग्ने तयारी छ।

उनी दार्जिलिङका हुन्। उनी ३० वर्षयता काठमाडौंमा छन्। सोही घरमा १० वर्षदेखि बस्दै आएका थिए।उनको २२ दिन अघि मात्रै श्रीमती पनि बितेको महर्जनले बताए।