२६ मंसिर, काठमाडौं । साताको कारोबारको दोस्रो दिन आज (सोमबार) सेयर बजार नेप्से बढेको छ ।
आज नेप्से १६ दशमलव ९७ अङ्कले बढेर एक हजार ९ सय २ दशमलव २८ विन्दुमा पुगको छ ।आज बैंकिङबाहेक अरू सबै समूहको सेयर बढेको छ । आज दुई सय ४५ वटा कम्पनीको ४४ लाख ७० हजार कित्ता सेयर १ अर्ब ३६ करोड ६० लाख रुपैयाँमा कारोबार भएको छ ।
सबैभन्दा धेरै नबिल बैंकको २१ करोड ३२ लाख रुपैयाँको सेयर किनबेच भएको छ ।नेप्से परिसूचक बढेको दिन सबैभन्दा धेरै सीवाईसी नेपाल लघुवित्त र समिट लघुवित्तको सेयर १० प्रतिशत तथा नेपाल दूरसञ्चार कम्पनीको सेयर साढे सात प्रतिशतले बढेको छ ।
समग्रमा बजार बढे पनि सबैभन्दा धेरै ग्लोबल आईएमई फन्ड १ को सेयर १० प्रतिशत तथा कुमारी दीर्घायु योजना र मैलुङखोला जलविद्युत् कम्पनीको सेयर झन्डै छ प्रतिशतले घटेको छ ।