२९ जेठ, काठमाडौं । यमनमा आप्रवासी बोकेको डुङ्गा डुब्दा कम्तीमा ३९ जनाको ज्यान गएको छ ।

२ सय भन्दा बढी आप्रवासी बोकेको डुंगा दुर्घटना हुँदा अफ्रिकाबाट आप्रवासन मार्गमा प्रकोपमा परेका कम्तिमा ३९ जनाको मृत्यु भएको हो। साथै एक सय ५० बेपत्ता भएका छन् भने ७१ जनाको उद्धार गरिएको बताइएको छ । प्रत्येक वर्ष हर्न अफ अफ्रिकाबाट हजारौँ आप्रवासीहरू द्वन्द्व, प्राकृतिक प्रकोप वा कमजोर आर्थिक सम्भावनाबाट बच्न तेल–धनी खाडीमा पुग्न लाल सागर पार गर्न निस्कन्छन् । अप्रिलमा, दुई डुङ्गाहरू जिबूतीको तटमा दुई हप्ताको अन्तरमा डुबेका थिए, जसमा दर्जनौँको मृत्यु भएको थियो ।

आइओएमले यस वर्ष समावेश नगरी सन् २०१४ देखि आप्रवासन मार्गमा कुल १ हजार तीन सय ५० जनाको मृत्यु भएको जनाएको छ । सन् २०२३ मा मात्रै, यसले समुद्रमा हराएको एक सय पाँच सहित मार्गमा कम्तिमा छ सय ९८ जनाको मृत्यु भएको बताएको छ ।