२० असार, काठमाडौं ।  नेप्से परिसूचक आज दोहोरो अङ्कले बढेको छ । आज नेप्से परिसूचक १५. ४६ अङ्कले बढेर दुई हजार ११९. ६९ अङ्कमा रोकिएको हो ।

आज ३१३ कम्पनीको दुई करोड २१ लाख ६७ हजार ६७९ कित्ता शेयर ८४ हजार १२६ पटक खरिदबिक्री हुँदा छ अर्ब ४८ करोड २५ लाख ४६ हजार ९८० बराबरको कारोबार भएको छ।

आज वित्त समूह ०.५९ र उत्पादन तथा प्रशोधन समूह ०. १५ प्रतिशतले घटेको छ भने अरु सबै समूहको उपसूचक बढेको छ । सबैभन्दा धेरै विकास बैंक समूहको उपसूचक ३. ४३ प्रतिशतले बढेको छ । बैंकिङ ०. ४८, होटल तथा पर्यटन १. ७५, जलविद्युत् ०. २२, लगानी १. ८९ र जीवन बीमा १. ९७ प्रतिशतले बढेको छ।

त्यसैगरी, लघुवित्त ०. २१, म्युचुअल फन्ड ०. २४, निर्जीवन बीमा ०. ५८, व्यापार ०. ४८ र व्यापार समूह ०. १५ प्रतिशतले बढेको छ ।