२१ असार, काठमाडौं । नेपाल क्रिकेट संघ (क्यान)ले आदिल आलमको निलम्बन फुकुवा गर्ने तयारी गरेको छ ।

त्यसका लागि एक हप्ताभित्र निर्णय गर्न अनुशासन समितिलाई जिम्मेवारी दिएको सचिव पारस खड्काले जानकारी दिए । आदिलले म्याच फिक्सिङमा केही समयअघि जिल्ला अदालत काठमाडौंबाट सफाई पाएका थिए ।
नेपाल टी–२० लिगमा स्पट फिक्सिङमा संलग्न भएको आरोपमा प्रहरीले २०७९ माघ ९ गते उनलाई पक्राउ गरेको थियो । त्यसपछि उनी निलम्बनमा परेका थिए ।

उनी राष्ट्रिय क्रिकेट टोलीका पूर्वअलराउण्डर हुन् । उनको नाममा एकै खेलमा १० विकेट लिएको कीर्तिमानी छ ।