२६ असार, काठमाडौं । नेकपा एकीकृत समाजवादीका अध्यक्ष माधव नेपाल र सम्मानित नेता झलनाथ खनाल बालुवाटार गएका छन् ।
प्रधानमन्त्री पुष्पकमल दाहाल प्रचण्ड भेट्न उनीहरु बालुवाटार पुगेका हुन् । अहिले उनीहरुबीच छलफल जारी छ । कांग्रेस र एमाले मिलेर सरकार बनाउने सहमति गरेपछि प्रधानमन्त्री प्रचण्ड नेतृत्वको सरकार अल्पमतमा परेको छ। प्रधानमन्त्रीले शुक्रवार सदनमा विश्वासको मत लिँदैछन्।
आज बसेको माओवादी संसदीय दलको बैठकले विश्वासको मतका लागि सबै दलसँग कुरा गर्ने निर्णय गरेको थियो। अहिले प्रधानमन्त्री प्रचण्डलाई रास्वपा र नेकपा एसको मात्रै साथ छ।