१२ साउन, काठमाडौं । ताइवानमा ‘टाइफुन गेमी’ आँधीले कम्तिमा ८ जनाको मृत्यु भएको छ ।
चक्रवातको कारण एक जना बेपत्ता हुनुका साथै ८६६ जना घाइते भएका छन् । आँधी प्रभावित क्षेत्रमा चक्रवातका कारण भएका विविध दुर्घटनामा परी मानिसहरूले ज्यान गुमाएको स्रोतले जनाएको छ । ज्यान गुमाउनेहरूको अहिलेसम्म पहिचान हुन सकेको छैन ।
बेपत्ताहरुको खोजी कार्या जारी छ । सीइओसीका अनुसार आँधीका कारण विस्थापित भएका एक हजार २ सय ३२ जनालाइ सुरक्षित राख्नका लागि २७९ वटा आपतकालीन शिविर निर्माण गरिएको छ ।