२८ साउन,काठमाडौं । झापामा एक जना पुरूष पेस्तोलसहित पक्राउ परेका छन् ।

पक्राउ पर्नेमा दमक नगरपालिका-८ बस्ने ३६ वर्षीय संजिव गजमेर रहेका छन् ।  गजमेरलाई सोमबार बिहान पौने ४ बजे दमक नगरपालिका–५ बानेश्वर हाइट मार्ग जाने भित्री सडकबाट प्रहरी पक्राउ गरेको हो ।

इलाका प्रहरी कार्यालय दमकबाट खटिएको टोलीले को ३८ प ५६४९ नम्बरको स्कुटर रोकेर जाँच गरेको थियो । जाँच गर्नेक्रममा स्कुटरमा प्रहरीले एउटा पेस्तोल बरामद गरेको हो । पक्राउ परेका गजमेरबाट दुई वटा म्याजिन पनि बरामद भएको छ।