२४ भदौ, काठमाडौं । झापाको माई खोलामा बनाइएको ड्याम आसपास झापाको दोमुखामा पौडी खेल्ने क्रममा एक जनाको मृत्यु भएको छ।

पौडी खेल्ने क्रममा एक जना बेपत्ता भएका छन्। दुई जना बेपत्ता भएको अवस्थामा एक जनाको शव भेटिएको हो। भद्रपुर नगरपालिका वडा नम्बर ५ बस्ने १५ वर्षीय फिरु शेखको शव भेटिएको हो। उनीसंगै हराइरहेका भद्रपुर ५ कै १५ वर्षीय प्रदिप राई भेटिएका छैनन्।

सोमबार दिउँसो २ बजेदेखि दोमुखाको ड्याममा पौडी खेल्न पसेका चारमध्ये दुईजना बेपत्ता भएको स्थानीय कुमार फुयालले जानकारी दिए।