९ असोज, काठमाडौं ।  फिल्म ‘ज्वाइँ साब’को एक महत्वपूर्ण दृश्य टिकटकमा लिक भएको छ ।

त्रिभुवन विमानस्थलको सो दृश्य फिल्मको क्लाइमेक्स दृश्य भएको अनुमान गरिएको छ । सुटिङका क्रममा दर्शकले यो भिडिओ खिचेर टिकटकमा सार्वजनिक गरेका हुन्।

सार्वजनिक भिडिओमा फिल्मका प्रमुख कलाकार जितु नेपाल सेतो पहिरनमा हातमा बच्चा बोकेको अवस्थामा देखिएका छन्। उनले निलो ब्याग बोकेका छन् ।

हातमा पासपोर्ट पनि देखिएको छ । उनको पछाडि फिल्मकी अभिनेत्री नीति शाह खादा र नेपालको झण्डा बोकेर भावुक मुद्रामा उभिएकी छन् ।

भिडिओमा नीति जितुलाई बिदाई गर्न पुगेको देख्न सकिन्छ ।  दृश्य हेर्दा जितु वैदेशिक रोजगारीका लागि नेपाल छोड्न लागेको अनुमान गर्न सकिन्छ।