२१ असोज, काठमाडौं ।  भारतको दक्षिणपश्चिमी राज्य महाराष्ट्रको मुम्बई सहरमा आइतबार एक भवनमा आगलागी हुँदा दुई बालबालिका सहित कम्तीमा सात जनाको मृत्यु  भएको छ ।

साथै आगलागीमा परि अन्य केही घाइते भएको स्थानीय प्रहरीले पुष्टि गरेको छ ।मुम्बईको चेम्बुर क्षेत्रमा आगलागी भएको हो । मृतक सबै एकै परिवारका सदस्य थिए ।

भुइँतलामा पसल र पहिलो तलामा आवासीय एकाइ रहेको दुई तले भवनमा आइतबार आगलागी भएको हो । घटना हुँदा मृतकहरू सुतिरहेका थिए ।