२८ असोज, काठमाडौं । आईसीसी महिला टी-२० विश्वकप क्रिकेटमा आज न्युजिल्यान्ड र पाकिस्तान भिड्दैछन् ।

समूह ‘ए’ का न्युजिल्यान्ड र पाकिस्तानको खेल नेपाली समयअनुसार राति पौने ८ बजेदेखि दुबईमा हुनेछ । न्युजिल्यान्ड पहिलो खेलमा भारतसँग ५८ रन र तेश्रो खेलमा श्रीलङ्कासँग आठ विकेटले विजयी हुँदा दोश्रो खेलमा अस्ट्रेलियासँग ६० रनले पराजित भएको थियो । पाकिस्तानले पहिलो खेलमा श्रीलङ्कालाई ३१ रनले हराउँदा दोश्रो खेलमा भारतसँग छ विकेट र तेश्रो खेलमा अस्ट्रेलियासँग नौ विकेटले पराजित भएको थियो ।

गएराति भएको खेलमा अस्ट्रेलियाले भारतलाई नौ विकेटले हराएको छ । गएरातिको हारसँगै भारतलाई सेमिफाइनलमा पुग्न आजको नतिजा निकै महत्वपूर्ण रहेको छ ।