२९ असोज, काठमाडौं । अभिनेता तथा हास्यकलाकार अतुल परचुरेको निधन भएको छ । ५७ वर्षीय परचुरेको सोमबार साँझ निधन भएका हो ।

उनलाई क्यान्सर भएको थियो । मराठी नाटक ‘सूर्यची पिल्लई’ मा रिहर्सल गरिरहेका बेला उनको स्वास्थ्य बिग्रिएको थियो । पाँच दिनअघि अतुललाई अस्पतालमा भर्ना गरिएको थियो। उनी सन् २०२२ देखि क्यान्सरसँग लडिरहेका थिए । अतुल परचुरेले बलिउडमा ‘गोलमाल’, ‘पार्टनर’, ‘क्योँ की’ र ‘आवरापन’ जस्ता धेरै फिल्ममा काम गरेका छन् ।

यस बाहेक उनले मराठी स्टेजमा आफ्नो अभिनयबाट धमाका मच्चाए । अतुलले मराठी फिल्म र धेरै टिभी सिरियलहरूमा पनि काम गरेका छन् । धेरै फिल्ममा हास्य भूमिका निभाएका अतुलले टिभी शो ‘आरके लक्ष्मण की दुनियाँ’ बाट आफ्नो करियर सुरु गरेका थिए।