१९ कात्तिक, काठमाडौं । रामेछापको मन्थली नगरपालिका-१ का ३० वर्षीय वीरबहादुर भुजेल शुक्रबार रातीदेखि बेपत्ता छन् ।

उनलाई तामाकोशी नदीमा फालिएको आशंकामा प्रहरीले तामाकोशी नदीमा खोजतालास गरिरहेको छ । भुजेललाई बेपत्ता पारेको अभियोगमा मन्थली-१ का २७ वर्षीय मीनबहादुर विकलाई समेत प्रहरीले पक्राउ गरेको छ । भुजेल बेपत्ता भएको साँझ विक उनको साथमा रहेका कारण घटनाको अनुसन्धान गर्न विकलाई नियन्त्रणमा लिएको जिल्ला प्रहरी कार्यालय रामेछापले जनाएको छ । शुक्रबार भुजेल र विकबीच झगडा भएको स्थानीयले बताएका छन् । विकसँग बयान लिने काम भइरहेको प्रहरीले जनाएको छ ।