२० कात्तिक, काठमाडौं ।  खराब मौसमका कारण खेलअघि बढ्न नसक्दा नेपाल र स्कटल्यान्डबीचको खेल रद्द भएको छ ।

आईसीसी पुरुष क्रिकेट विश्वकप लिग-२ को ४४औँ खेलमा नेपालले अंक बाडेको हो । अमेरिकाको ड्यालसमा हुने तालिका रहे पनि खेल खराब मौसमक कारण दुईपटक रोकिएको थियो ।

खेलमा टस हारेर ब्याटिङमा आएको नेपालले ६ ओभरमा एक विकेट गुमाउँदै २६ रन बनाउँदा खेल अघि बढाउन सम्भव नभएको हो । लिग-२ मा १२ खेलबाट ६ अंक जोडेको नेपाल तालिकाको सातौँ स्थानमा छ ।