२५ कात्तिक, काठमाडौं । जीप दुर्घटनाका घाइतेलाई नेपाली सेनाको हेलिकोप्टरमार्फत उद्धार गरिएको छ । 

कालीकोटको पलाँता गाउँपालिका-३ स्थित राडुनेटामा बोलेरो जीप दुर्घटना परेर घाइते भएका सात जनालाई सेनाको हेलिकोप्टरमार्फत उद्धार गरेर उपचारका लागि कर्णाली प्रदेश अस्पताल सुर्खेत र्पुयाइएको हो । थप घाइतेको उद्धारका लागि हेलिकोप्टर घटनास्थल पुगेको छ । दुर्घटनामा ८ जनाको मृत्यु भएको थियो ।