२६ कात्तिक, काठमाडौं । कुलपति समेत रहेका प्रधानमन्त्री केपी शर्मा ओलीले  विपी कोइराला स्वास्थ्य विज्ञान प्रतिष्ठान, धरानका ६ सय ५७ विद्यार्थीलाई दीक्षित गरेका छन ।

प्रतिष्ठानको १३ औँ दीक्षान्त समारोहमा आज प्रधानमन्त्री ओलीले विद्यार्थीहरूलाई दीक्षित गरेका हुन । प्रतिष्ठानका सन २०१० देखि २०१७ ब्याचका एमबिबिएस, बिडिएस, एमडी, एमएस, एमडिएस, डिएम, एमसिएच बिएससी नर्सिङ र २०१२ देखि २०१८ सम्मका एएससी नर्सिङ, बिएमएलटी, बिएमआइटी, एपिएस र पिएचडी उपाधि हासिल गरिसकेका विद्यार्थीहरू दीक्षित भएका छन् ।

भारतका शिक्षाविद् प्रा डा ज्योतिर्मोय पलँ प्रमुख अतिथि रहेको कार्यक्रममा सहकुलपति एवं स्वास्थ्य तथा जनसंख्यामन्त्री प्रदीप पौडेललगायत सहभागी थिए । कार्यक्रममा प्रतिष्ठानले प्रदान गर्दै आएको विभिन्न पुरस्कार उत्कृष्ट विद्यार्थीहरूलाई वितरण गरिएको छ ।