३० कात्तिक, काठमाडौं । दार्चुलामा जीप दुर्घटनामा परी मृत्यु हुनेको संख्या ७ पुगेको छ ।

आज बिहान करिब चार बजे शैल्यशिखर नगरपालिका ६ को बकजेबलामा म १ ज ३३८ नम्बरको जीप दुर्घटना भएको थियो ।

दुर्घटनामा परी मृत्यु हुनेमा शैल्यशिखर नगरपालिका–५ लेकगाउँका ३० वर्षीय वीरेन्द्र रावल, सोही ठाउँका २८ वर्षीय शान्ति रावल, शैल्यशिखर–९ नकतडका ४५ वर्षीय दिलीप विष्ट, बैतडीको डिलाशैनी–५ का १५ वर्षीय सञ्जीव बोहरा र भारत उत्तर प्रदेश विजनौर जिल्लाका ४५ वर्षीय मोहमद सफिर र सोही जिल्लाका १८ वर्षीय मोहमद बसिमको रहेका छन् ।

अर्का एक मृतकको भने सनाखत हुन बाँकी छ । दुर्घटनामा अन्य ६ जना गम्भीर घाइते भएका छन् ।