३० कात्तिक, काठमाडौं ।  कलाकार तथा निर्माता दीपकराज गिरीले आफूले कहिल्यै महानायक दाबी नगरेको र नगर्ने पनि बताएका छन् ।

उनले सामाजिक संजालमार्फत बारम्बार आग्रह गर्दा पनि आफूलाई महानायक भन्ने गरिएको भन्दै उनले असन्तुष्टि जनाएका हुन् । ‘आजबाट जसजसले मलाई महानायक सम्बोधन गर्नुहुन्छ, उहाँलाई मेरो फेसबुकमा ब्लक गर्दै छु,’ उनले लेखेका छन्, ‘यो पद न मैले कहिले दाबी गरेको थिएँ, न गर्नेछु ।’

दीपाश्री निरौलाले कोभिड–१९ को समयमा राजेश हमालले महानायक भएर पनि चलचित्र प्राविधिकहरूलाई सहयोग गर्न नसकेको भन्दै आलोचना गरेपछि दीपकराज गिरीलाई सामाजिक सञ्जालमा ‘महानायक’ भन्दै आलोचना गर्ने गरेका छन् ।