१ मंसिर, काठमाडौं ।  सिन्धुलीमा भालुको आक्रमणबाट एक जनाको मृत्यु भएको छ ।

मृत्यु हुनेमा मरिण गाउँपालिका-१ कार्तिके बस्ने अन्दाजी ७२ वर्षीय गोपिलाल घिसिङ रहेका छन् । सिम्ले खोल्सी जंगलमा बिहीबार छिमेकी बाख्रा भालुले लगेको थियो ।

शुक्रबार गोपिलालसहित ७–८ जना बाख्रा खोज्न जंगल पुगेका थिए । सोही क्रममा भालुले गोपिलालमाथि आक्रमण गरेको थियो ।

आक्रमणमा परेर उनको गर्दनको हड्डी र हातको नाडी भाँचिन पुगेको थियो । उनको घटनास्थलमा मृत्यु भएको हो ।