०१ मंसिर, काठमाडौं । झापासहित देशका विभिन्न स्थानमा ४ जना मृत भेटिएका छन् ।

झापा, मेचीनगर नगरपालिका-८ नमुना टोल बस्ने ४१ वर्षीय केशव दर्जी सोही नगरपालिका(६ मङगलटोलस्थित कालिखोलामा आज मृत अवस्थामा फेला परेका छन् । यसैगरी झापा गाउँपालिका-४ खयरबारी बस्ने ६५ वर्षीय गणेश बहादुर खत्री सोही गाउँपालिका-१ स्थित माईखोलामा आज मृत फेला परेका छन ।

सर्लाही, कबिलासी नगरपालिका-५ पचगछिया बस्ने ६५ वर्षीय रामअधिन राय आफ्नै घर शनिबार मृत फेला परेका छन् । नवलपरासी पश्चिम, सुस्ता गाउँपालिका-४ स्थित नारायणी नदीको किनारमा हाल नाम, थर, वतन नखुलेकी अन्दाजी ४५ वर्षीया महिला शुक्रबार मृत अवस्थामा फेला परेकी छिन ।