२ मंसिर, काठमाडौं ।  झापामा रड प्रहार गरी हत्या गरेको आरोपमा एक जना पक्राउ गरेको छ ।

पक्राउ पर्नेमा  २६ वर्षीय मानकुमार राजवंशी रहेका छन् । शनिबार राति ९ः२० बजे बाह्रदशी गाउँपालिका–५ फुलबारीका ४५ वर्षीय गंगालाल माझीको हत्या आरोपमा राजवंशी पक्राउ परेका हुन् ।

झापा प्रहरीका अनुसार गएराति दुई जनाबीच विवाद भएपछि राजवंशीले माझीको टाउकोमा फलामको रड प्रहार गरेका थिए।

रड प्रहारपछि गम्भीर घाइते भएका उनलाई उपचारका लागि बिएन्डसी अस्पताल लगिएकोमा ९ः५५ बजे चिकित्सकले मृत घोषणा गरेको थियो।